Վրաստանում ցուցարարները վերջնագիր են ներկայացրել իշխանություններին

322

Ուրբաթ, 21 հունիսի, 2019 թ., 20:10

Վրաստանի ընդդիմադիր կուսակցությունները երեք պահանջ են ներկայացրել իշխանություններին․ առաջին՝ երկրի ՆԳ նախարար Գեորգի Գախարիայի հրաժարականը, երկրորդը՝ ձերբակալված քաղաքացիների ազատ արձակումը:

Новости-Грузия-ի հաղորդմամբ, վրացական ոստիկանությունը տարբեր իրավախախտումների համար հանրահավաքի 305 մասնակցի է բերման ենթարկել, որոնք մասնակցել են երկրի խորհրդարանի շենքի առաջ տեղի ունեցած ցույցին:

Նշենք, որ այս պահին խորհրդարանի շենքի մոտ վերսկսվել է բողոքի ակցիան։

Ցույցի մասնակիցները վերջնագիր են ներկայացրել իշխանություններին՝ «Մենք երեք ժամ ենք տալիս ներքին գործերի նախարար Գեորգի Գախարիային, որ հեռանա իր պաշտոնից, այլապես մենք խաղաղ երթ կսկսենք Արևմտյան Վրաստանից, որպեսզի այստեղ հավաքվենք մեծ ուժերով և մերկ ձեռքերով մաքրենք այս իշխանությունը»,- հայտարարել են նրանք։