Երեքշաբթի, 19 նոյեմբերի, 2019 թ.
|
Ստեփանակերտում`   +1 °C

«Բա մի հատ հարգելի համանախագահներին չհարցնե՞նք՝ ինչո՞ւ չեն ուզում ազերիների հայտարարությանն արձագանքել». Արման Աբովյան

«Բա մի հատ հարգելի համանախագահներին չհարցնե՞նք՝ ինչո՞ւ չեն ուզում ազերիների հայտարարությանն արձագանքել». Արման Աբովյան
142
Հինգշաբթի, 27 հունիսի, 2019 թ., 18:00

ԱԺ «Բարգավաճ Հայաստան» խմբակցության պատգամավոր Արման Աբովյանը ֆեյսբուքյան իր էջում գրել է. «Հազար ներողություն հարգելիներս, մի հարց ունեմ։ Բնավ, նպատակ չունեմ ցիտել մեր թշնամիների մտքերի գոհարները, բայց այսպիսի մի բան... Տեսեք՝ Ադրբեջանի ԱԳՆ-ի ղեկավարը հայտարարում է, որ Արցախի հիմնախնդրի շուրջ ընթացող բանակցություներում արդեն իբր քննարկվում է խաղաղապահ զորքերը հարցը։ Նշեմ, որ մեր ԱԳՆ-ի կողմից իսկույն հայտարարություն տարածվեց, որում մերոնք կոշտ արձագանքեցին ազերիների այս հայտարարությանը, փաստացի, մերոնք արձանագրեցին, որ ազերիները ստում են։ Կարծես թե այս մասով ամեն ինչ լավ է, սակայն ի զարմանս ինձ, բացարձակապես չկա Մինսկի խմբի համանախագահների արձագանքն ադրբեջանցիների հայտարարությանը, որը, ըստ էության, սենսացիոն բնույթ էր կրում։ Հիմա հարց՝ բա մի հատ հարգելի համանախագահներին չհարցնե՞նք՝ ինչո՞ւ չեն ուզում ազերիների հայտարարությանը արձագանքել։ Այ սա է այս պարագայում շատ կարևոր ցուցիչ՝ զարգացումների առումով։

Հ.Գ. Հա մեկ էլ մի դիտարկում «ժողովուրդներին խաղաղության նախապատրաստելու» տխրահռչակ թեզի մասին, դրանց ղեկավարությունը կրկին ցնցվում է դեպի մեզ՝ բացահայտ սպառնալիքներով։ Սա պարզապես հիշեցում՝ մեր տեղական «խաղաղասերներին»: