Չորեքշաբթի, 23 հոկտեմբերի, 2019 թ.
|
Ստեփանակերտում`   +7 °C

Մանրամասներ՝ Թբիլիսիում ցույցի ժամանակ վնասվածք ստացած Դ. Գրիգորյանի առողջական վիճակի մասին

Մանրամասներ՝ Թբիլիսիում ցույցի ժամանակ վնասվածք ստացած Դ. Գրիգորյանի առողջական վիճակի մասին
106
Երեքշաբթի, 02 հուլիսի, 2019 թ., 16:45

Վրաստանում ՀՀ դեսպանությունը հայտարարություն է տարածել թբիլիսյան ցույցերին մասնակցած Դավիթ Գրիգորյանի առողջական վիճակի մասին.

«Հայտնում ենք, որ Վրաստանում ՀՀ դեսպանության դիվանագետներն այսօր այցելել են հիվանդանոց, որտեղ գտնվում է հունիսի 20-ի լույս 21-ի գիշերը Թբիլիսիում տեղի ունեցած բախումների հետևանքով տուժած Վրաստանի քաղաքացի Դավիթ Գրիգորյանը։

Դիվանագետները հանդիպում են ունեցել գլխավոր բժշկի և Դավիթ Գրիգորյանին բուժող բժիշկների հետ։

Նրանց փոխանցմամբ՝ Դավիթ Գրիգորյանի առողջական վիճակը գնահատվում է կայուն, և վերջինս այսօր կամ վաղը վերակենդանացման բաժանմունքից կտեղափոխվի պալատ։

Դեսպանությունը մշտական կապ է պահպանում բժիշկների հետ և Դավիթ Գրիգորյանի առողջական վիճակի մասին հանդես կգա հավելյալ հայտարարություններով»: