Չորեքշաբթի, 23 հոկտեմբերի, 2019 թ.
|
Ստեփանակերտում`   +7 °C

ՊՆ-ում սերնդափոխության լուրջ գործընթաց է սկսվել. «Ժողովուրդ»

ՊՆ-ում սերնդափոխության լուրջ գործընթաց է սկսվել. «Ժողովուրդ»
129
Հինգշաբթի, 04 հուլիսի, 2019 թ., 09:40

««Ժողովուրդ» օրաթերթն իր նախորդ համարներից մեկում գրել էր, որ Պաշտպանության նախարարությունում նոր կառուցվածքային փոփոխությունների ալիք է սկսվել:

Եվ, ահա, մեզ հասած տեղեկությունների համաձայն՝ հիմնականում ստեղծվում են գլխավոր վարչություններ, և, դրանից էլ ելնելով, նոր կառուցվածքային փոփոխություններ են լինելու:

Առաջիկայում նախարարությունում կադրային լուրջ փոփոխություններ են սպասվում նաև ղեկավար կազմից, պաշտոնից ազատումներ և անսպասելի նշանակումներ են լինելու: Եվ ուշագրավն այն է, որ այս փոփոխությունների ֆոնին պաշտոնից ազատել են ՀՀ զինվորական կոմիսար, գեներալ մայոր Հենրիկ Մուրադյանին:

«Ժողովուրդ» օրաթերթը տեղեկացավ, որ նրան ազատել են տարիքի պատճառով, տեղեկություններ կան, որ ՊՆ-ում սերնդափոխության լուրջ գործընթաց է սկսել: Նշենք, որ Հենրիկ Մուրադյանը այդ պաշտոնին նշանակվել էր 2013 թվականի հունիսի 10-ին և պարկեշտ զինվորականի համարում ուներ»,-գրում է թերթը:

Առավել մանրամասն՝ թերթի այսօրվա համարում: