ՄԻԵԴ-ի վճռով՝ Հայաստանը պետք է 1,6 միլիոն եվրո վճարի քաղաքացի Յուրի Վարդանյանին

357

Հինգշաբթի, 25 հուլիսի, 2019 թ., 14:50

2019 թվականի հուլիսի 25-ին Մարդու իրավունքների եվրոպական դատարանը հրապարակել է «Վարդանյանն ընդդեմ Հայաստանի» (թիվ 16528/10) գործով փոխհատուցման վճիռը, ըստ որի՝ Հայաստանը պետք է 1 միլիոն 608 հազար եվրո վճարի ՀՀ քաղաքացի Յուրի Վարդանյանին: Սա ավելին է, քան մինչև օրս Հայաստանի դեմ Եվրոդատարանի կայացրած բոլոր վճիռներով փոխհատուցումների հանրագումարը։

Հիշեցնենք, որ գործը վերաբերում է դիմումատուի գույքի օտարմանը, որը տեղի է ունեցել 2000 թվականին սկիզբ առած սեփականության հարկադիր օտարման գործընթացի շրջանակներում, երբ ՀՀ կառավարությունը հավանություն տվեց Երևանի քաղաքապետարանի կողմից ներկայացված Հյուսիսային պողոտայի կառուցապատման ծրագրին, հաղորդում է ՄԻԵԴ-ում Հայաստանի ներկայացուցչությունը:

Դիմումատուի ընտանիքն ապրել է Բուզանդի 13 հասցեում՝ 1385 քառակուսի մետր տարածքով տանը: Ռոբերտ Քոչարյանի նախագահության օրոք հանրային գերակա շահի անվան տակ Յուրի Վարդանյանի տունը փոխանցվել է պետությանը:

Մանրամասները՝ այստեղ: