«Չունեմ պատկան կառույցների արձագանքը հանցագործության մասին հաղորդմանս վերաբերյալ». Մարինա Խաչատրյան

«Երկիր Ծիրանի» կուսակցության նախկին անդամ, Երևանի ավագանու նախկին անդամ Մարինա Խաչատրյանը ֆեյսբուքյան իր էջում գրել է. «Հարգելի՛ հայրենակիցներ,

Ս.թ. հուլիսի 16-ին հացագործության մասին հաղորդում էի ներկայացրել ՀՀ պաշտպանության նախարար Դավիթ Տոնոյանին, ՀՀ ՊՆ Ռազմական ոստիկանության պետ Արթուր Բաղդասարյանին, ՀՀ ԱԱԾ տնօրեն Արթուր Վանեցյանին առ այն, որ կազմակերպվի բժշկական հանձնաժողով ՀՀ արդարադատության նախարար Ռուստամ Բադասյանի առողջական վիճակի ուսումնասիրության նպատակով։

ԱԱԾ-ից ստացել էի պատասխան, որ իրենք ինտերնետային դիմումներ չեն ընդունում։
Ժամանակի սղության պատճառով միայն երեկ կարողացա հանցագործության մասին հաղորդմանս թղթային տարբերակն ուղարկել ԱԱԾ։

Հուլիսի 16-ից անցել է օրենքով սահմանված 5 օրը, սակայն ես չունեմ պատկան կառույցների արձագանքը։

Հույս ունեմ, որ մեր իրավապահ կառույցները կհարգեն օրենքը և 5 օրվա ընթացքում կարձագանքեն իմ նամակին»: