Արմեն Աշոտյանի մանիպուլյացիան սահմանին զոհերի շուրջ. FIP

398

Երեքշաբթի, 30 հուլիսի, 2019 թ., 11:25

«Փաստերի ստուգման հարթակ»-ը (հոդվածի հեղինակ Հովհաննես Նազարեթյան) գրում է. «Հայաստանի հանրապետական կուսակցության փոխնախագահ Արմեն Աշոտյանն իր ֆեյսբուքյան էջում գրառում է կատարել՝ անդրադառնալով վերջին օրերին հայ-ադրբեջանական սահմանում իրավիճակի լարմանը, գրանցված զոհերին և արտգործնախարարության արձագանքին։

«Երկու օրում հայ-ադրբեջանական սահմանին զոհվել է երկու հայ զինվոր, որից մեկը ինքնասպան է եղել, երկուսն էլ վիրավորվել են։ Հայաստանի ԱԳՆ-ն այսօր վերջապես արձագանքեց»,- գրել է Աշոտյանը։

Նախ նշենք, որ սահմանին հակառակորդի կրակոցից սպանվել է մեկ զինծառայող՝ հուլիսի 28-ին։ Ինքնասպանության վերջին դեպքը գրանցվել է ոչ թե վերջին «երկու օրում», այլ հուլիսի 24-ին՝ Պաշտպանության բանակի N զորամասի պահպանության տեղամասի մարտական դիրքում՝ դիրքի ավագի հետ ունեցած վիճաբանությունից հետո։ Եվ անհասկանալի է, թե ինչու ԱԳՆ-ն պետք է արձագանքներ նաև զինվորի ինքնասպանության դեպքին։

Իսկ հուլիսի 28-ին գրանցված սպանության դեպքի առնչությամբ, որի մասին ՊՆ-ն հայտնել է երեկոյան ժամը 22։00-ին, Արտաքին գործերի նախարարությունը դատապարտող հայտարարություն արել է հաջորդ օրը՝ հուլիսի 29-ին։ Այսինքն, ԱԳՆ-ի արձագանքը ուշացած չէ։

Բանակցային գործընթացի և սահմանային զոհերի մասին

Աշոտյանը նաև գրում է․ «Հակառակորդը մշտապես է իրեն սադրիչ պահել, բայց, պարոնայք, ձեր վարած բանակցային գործընթացը միայն հավելյալ ջուր է լցրել իրենց ջրաղացին և թուլացրել մեզ»։

Այս հայտարարության անհիմն լինելը ապացուցում է այն, որ հակամարտության գոտում հրադադարի ռեժիմի խախտումների դեպքերն ու դրանց հետևանքով սպանված զինվորների թիվը կտրուկ նվազել է 2018 թվականի ապրիլ-մայիսյան հեղափոխությունից հետո»:

Մանրամասները՝ սկզբնաղբյուրում: