ՊԵԿ-ը գրություն է ուղարկել դատարան՝ Մ. Գրիգորյանի գույքը կալանքից հանելու վերաբերյալ

260

Երեքշաբթի, 30 հուլիսի, 2019 թ., 14:35

Այսօր ԱԺ նախկին պատգամավոր Մանվել Գրիգորյանի և նրա կնոջ՝ Նազիկ Ամիրյանի գործով դատական նիստին ՊԵԿ-ը գրություն էր ուղարկել դատարան: Իրավաբանական վարչությունը խնդրում է գույքի վրա դրված կալանքի մի մասը վերացնել և հնարավորություն տալ, որպեսզի ՊԵԿ-ը աճուրդ/վաճառքի եղանակով գույքի իրացում կատարի՝ 1 միլիարդ 18 միլիոն դրամի շարժական և անշարժ գույքը վաճառի և ուղղի պետբյուջե՝ որպես հարկային պարտավորության կատարում: Դատավոր Մնացական Մարտիրոսյանի խոսքով՝ գրության մեջ շեշտված է, որ խոսքը «Արա և Այծեմնիկ» ԲԲԸ-ի մասին է, որի ողջ գույքի վրա կիրառված է կալանք:

Դատավորն ընդմիջեց նիստը, որ կողմերը ծանոթանան փաստաթղթերին: