Պաշտպանները Մանվել Գրիգորյանին կրկին գրավի դիմաց ազատ արձակելու միջնորդություն ներկայացրին

320

Երեքշաբթի, 30 հուլիսի, 2019 թ., 17:20

Երևանի ընդհանուր իրավասության դատարանում՝ դատավոր Մնացական Մարտիրոսյանի նախագահությամբ գեներալ Մանվել Գրիգորյանի և նրա կնոջ՝ Նազիկ Ամիրյանի գործով հերթական դատական նիստին Գրիգորյանի պաշտպանները միջնորդություն ներկայացրին Մանվել Գրիգորյանին գրավի դիմաց ազատ արձակելու համար:

Նշենք, որ այսօրվա նիստին Մանվել Գրիգորյանը ներկա չէր.

«Նաիրի» բժշկական կենտրոնից ստացված տեղեկանքի համաձայն՝ Մանվել Գրիգորյանն առողջական վիճակի պատճառով չի կարող ներկայանալ դատական նիստին։

Պաշտպանները նշեցին, որ վերջին օրերի ընթացքում կատարվել է ևս մեկ փորձաքննություն, իրականացվել են մի շարք հետաքննություններ, որոնց արդյունքում պարզ է դարձել, որ քաղցկեղի մասով կա կրկնակի բացասական դինամիկա:

Մեղադրող կողմը նշեց, որ միջնորդությունը ենթակա է մերժման, քանի որ անկախ նրանից՝ Մանվել Գրիգորյանը կլինի ազատության մեջ, թե՞ կալանավորված, միևնույն է, նա մնալու է բժշկական կենտրոնում:

Դատարանը որոշումը կհրապարակի այսօր՝ 17:30-ին: