Վանեցյանը՝ Իջևանում կազմակերպված ակցիաների ու դավադիր ուժերի դեմ պայքարի մասին

«Միանշանակ շարունակում ենք պնդել, որ Իջևանում կազմակերպված բողոքի ակցիաները չեն եղել ինքնաբուխ, այլ եղել են մի խումբ անձանց կողմից հրահրված պրովոկացիա»,- լրագրողների հետ զրույցում ասաց ԱԱԾ տնօրեն Արթուր Վանեցյանը՝ հավելելով, թե չի կարծում, որ վերջինները հանրության լայն շրջանակներին հայտնի են:

Անդրադառնալով վարչապետի հայտարարությանը, թե որոշակի դավադիր ուժեր կան, որոնք փորձում են պատերազմ հրահրել Արցախում, Վանեցյանը նշեց. «ԱԱԾ-ն անընդհատ, առանց մեկ րոպե դադարի իրականացնում է իր առջև դրված խնդիրները: Աշխատում ենք 24 ժամ, իրականացնում ենք բոլոր գործողությունները, որպեսզի ապահովենք ՀՀ-ի ու Արցախի անվտանգությունը: Եթե պարզենք հստակ անուններ ու հստակ գործողություններ լինեն նրանց արարքներում, միանշանակ կարձագանքենք»: