«Իր թիմի անգործությունն արդարացնելու համար Փաշինյանը մշուշոտ կերպով ներկայացրել է ինչ-որ գաղտնի փաստաթուղթ». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է. «Նախկին իշխանությունները երկիրը հասցրել էին անդունդի եզրին, որն էլ պատճառ դարձավ Նիկոլ Փաշինյանի կողմից ղեկավարած ժողովրդական ընդվզման և արդյունքում՝ իշխանափոխության: Իշխանափոխությունից գրեթե մեկուկես տարի անց նախկիններից ստացած ծանր ժառանգությունը ներկայացնելու, ավելի ճիշտ՝ իր թիմի անգործությունն արդարացնելու համար Նիկոլ Փաշինյանը մշուշոտ կերպով ներկայացրել է ինչ-որ գաղտնի փաստաթուղթ։ Նա երկար ժամանակ լինելով թերթի խմբագիր, ԱԺ պատգամավոր՝ մինչ իշխանափոխությունը լավ գիտեր Հայաստանի իրավիճակը, սակայն հիմա շարունակում է նախկիններին վատաբանել։ Դա թեկուզ արդարացի է, սակայն առաջ գնալիս անընդհատ ետ չեն նայում։ Հարկ է թոթափել ընդդիմադիր գործչի մտածելակերպը և դառնալ երկրի իրական ղեկավար՝ այդ գործի ողջ ծանրությունը շալակելով»։