Ստեփանակերտում մեկնարկել է Նիկոլ Փաշինյանի հրավիրած հանրահավաքը. ՈՒՂԻՂ ՄԻԱՑՈՒՄ

989

Երկուշաբթի, 05 օգոստոսի, 2019 թ., 19:05

Ստեփանակերտի Վերածննդի հրապարակում մեկնարկել է ՀՀ վարչապետ Նիկոլ Փաշինյանի հրավիրած հանրահավաքը:

«Օգոստոսի 6-ին Ստեփանակերտում տեղի է ունենալու շատ կարևոր մի իրադարձություն՝ Համահայկական խաղերի բացումը, և այդ առիթով Ստեփանակերտում հավաքվելու են հայության բոլոր մասերի ներկայացուցիչները: Սա շատ լավ առիթ է՝ մի փոքր ընդլայնելու օրվա օրակարգը և խոսելու մեր համազգային մարտահրավերների մասին, մեր համազգային միասնության այս բացառիկ ժամի և նրա ստեղծած հնարավորությունների մասին և այդ հնարավորությունները ճշգրիտ և արդյունավետ օգտագործելու մասին: Կարծում եմ, որ տեղի է ունենալու իսկապես շատ կարևոր խոսակցություն»,- նախօրեին հայտարարել էր Փաշինյանը:

«Կանդրադառնամ նաև հայաստանյան, արցախյան, սփյուռքյան օրակարգին վերաբերող առանձին հարցերի, բայց ընդհանուր առմամբ մեր նպատակը լինելու է համազգային միասնության մի կարևոր արձանագրում անելը և սրանից բխող հետևություններ անելը»,- ասել էր Հայաստանի կառավարության ղեկավարը:

Ի դեպ, սպասվում է, որ այսօրվա հանրահավաքին ելույթ կունենա նաև Արցախի նախագահը: