Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Սրանք այն հարցերն են, որոնք պարզապես չեմ կարող չտալ». Արման Աբովյան

«Սրանք այն հարցերն են, որոնք պարզապես չեմ կարող չտալ». Արման Աբովյան
401
Երեքշաբթի, 06 օգոստոսի, 2019 թ., 17:40

ԱԺ «Բարգավաճ Հայաստան» խմբակցության պատգամավոր Արման Աբովյանը ֆեյսբուքյան իր էջում գրել է. «Ես նպատակ չունեմ վերլուծել կառավարության ծրագիրը, որը նախատեսված է իրագործել մինչև 2050 թվականը, մի պարզ պատճառով, քանզի մինչ այսօր չկա հստակ և շարունակական ծրագրային քայլերի տրամաբանություն, ապա կարծիք արտահայտել, վերլուծություն անել հնարհավոր չէ։
Ինձ ավելի շատ հետաքրքիր է այլ բան. որքանո՞վ է համապատասխանում «Արցախը Հայաստան է և վերջ» և «Միացում» անվիճարկելի թեզերը (որոնց հետ յուրաքանչյուր հայ անվերապահորեն համաձայն է) մի այլ թեզի, որը մի քանի անգամ հնչեցվել է - «Ղարաբաղյան հիմնախնդիրը պետք է լուծվի այն տարբերակով, որը ձեռնտու կլինի Հայաստանի, Արցախի և Ադրբեջանի ժողովուրդների համար»։
Չեմ ցանկանում ոչ մի կերպ շահարկել ոչ մի բան, բայց սրանք այն հարցերն են, որոնք ես պարզապես չեմ կարող չտալ»: