Չորեքշաբթի, 21 օգոստոսի, 2019 թ.
|
Ստեփանակերտում`   +26 °C

«Առաջնագծի բոլոր այն հատվածներում, որտեղ զինծառայողը հերթապահություն է իրականացրել, պետք է ենթարկվեն մարտական փոփոխություների». Կ․ Հովհաննիսյան

«Առաջնագծի բոլոր այն հատվածներում, որտեղ զինծառայողը հերթապահություն է իրականացրել, պետք է ենթարկվեն մարտական փոփոխություների». Կ․ Հովհաննիսյան
82
Երկուշաբթի, 12 օգոստոսի, 2019 թ., 20:10

Ռազմագետ Կարեն Հովհաննիսյանը ֆեյսբուքյան իր էջում գրել է. «Մի կողմ եմ դնում այն հանգամանքը, թե ինչպես է մեր զինծառայողը հայտնվել ադրբեջանական կողմում, դա համապատասխան մարմինների քննարկման առարկան է: Առաջնագծի այն հատվածների մասին, որտեղ զինծառայողն իրականացրել է մարտական հերթապահություն, նա ունի հսկայական ինֆորմացիա: Մեզ հայտնի են ադրբեջանական կողմի անմարդկային վերաբերումնքը գերիների նկատմամբ, հատկապես ռազմական գերիների: Առաջնագծի բոլոր այն հատվածներում, որտեղ երբևէ զինծառայողն իրականացրել է մարտական հերթապահություն, պետք է ենթարկվեն ինժիներական, տեխնիկական, տակտիկական և մարտավարական փոփոխության»:

Հիշեցնենք, որ այսօր ժամը 12:00-ի սահմաններում, ՊԲ հարավ-արևելյան ուղղությամբ տեղակայված զորամասերից մեկի պահպանության տեղամասից, դեռևս չպարզված հանգամանքերում, մարտական դիրքը լքել է զինծառայող, 2000թ. ծնված Արայիկ Հայկի Ղազարյանը:

Ըստ ադրբեջանական լրատվամիջոցների տարածած տեղեկատվության, զինծառայող Ղազարյանը գտնվում է նրանց մոտ:

Դեպքի մանրամասները պարզելու համար կատարվում է քննություն: