Քոչարյանի փաստաբանի աղմկահարույց հայտարարության արձագանքները
444 Հինգշաբթի, 15 օգոստոսի, 2019 թ., 19:05 Հայաստանի երկրորդ նախագահ Ռոբերտ Քոչարյանի փաստաբան Հովհաննես Խուդոյանի՝ Հանրային հեռուստաընկերության լրագրողի հետ զրույցում հնչեցրած «Արցախի Հանրապետության մի մաս [ազատագրված] տարածքները չեն կարող համարվել ապրիորի» հայտարարությունը քննարկումների թեմա է դարձել համացանցում: ԱԺ պատգամավոր Արման Բաբաջանյանը սոցկայքի իր էջում արձագանքել է. «Մարտի 1 գործով մեղադրյալ Ռոբերտ Քոչարյանի փաստաբան Հովհաննես Խուդոյանը հայտարարել է, որ իրենց համոզմամբ՝ Արցախի ազատագրված տարածքները Արցախի Հանրապետության մաս ապրիորի չեն կարող համարվել, ուստի այդ տարածքից 2008թ․ փետրվար-մարտին Երևան բերված ուժերը չեն կարող լինել Արցախի Հանրապետության զինված ուժեր․․․ Քոչարյանի պաշտպանական թիմը, վստահաբար գլխավոր մեղադրյալի հանձնարարությամբ և գիտությամբ, վերջինիս կաշին փրկելու համար հարցականի տակ է դնում Արցախի սահմանադրությամբ ամրագրված Արցախի Հանրապետության անքակտելի մաս ազատագրված տարածքները»։ Պաշտոնական Ստեփանակերտը ևս արձագանքել է՝ Արցախի Սահմանադրության համաձայն, ազատագրված տարածքները համարվում են Արցախի անբաժան մաս: «Այդ տարածքները մենք ո՛չ օկուպացրել ենք, ո՛չ գրավել ենք՝ մենք տարածքներն ազատագրել ենք մեր տղաների արյունով... Ցանկացած հայրենասեր այդպես էլ մտածում է, որ վերադարձ անցյալին չի լինելու, ուզում է դա սահմանների առումով դիտարկեք, թե կարգավիճակի»,- «Ազատության» հետ զրույցում ընդգծել է Արցախի նախագահի աշխատակազմի ղեկավարի տեղակալ Դավիթ Բաբայանը: Այսօր Հովհաննես Խուդոյանը ֆեյսբուքյան իր էջում գրառում է կատարել՝ նշելով, թե նախօրեին տված հարցազրույցում չի կարողացել ճշգրիտ ձևակերպել միտքը: «Հաշվի առնելով, որ առանձին հարցադրումների կապակցությամբ կարևորվում է անձամբ պարոն Քոչարյանի, ոչ թե իմ մասնագիտական կարծիքը, հաջորդ անգամ թեմային անդրադառնալուց առաջ ձևակերպումների վերաբերյալ անպայման կխորհրդակցեմ պարոն Քոչարյանի հետ և կկիսվեմ արդեն իր կարծիքով»,- մասնավորապես գրել է նա: |
Կիրանց է ժամանել ՆԳ նախարարը (տեսանյութ)
6814:00Քաղաքացիները փակել են Թումանյան փողոցը (տեսանյութ)
9513:48«Այս գործընթացը պետք է կասեցվի»․ Տավուշի թեմի առաջնորդ (տեսանյութ)
6713:06Իրավիճակը լարվեց, երբ մարզպետը փորձեց առանձին զրույցի հրավիրել բնակիչներին (տեսանյութ)
8713:00Տավուշի մարզպետը հրաժարվեց լրագրողների ներկայությամբ խոսել բնակիչների հետ
9612:00«Մնում ա՝ Հայաստանի կեսը տան Ադրբեջանին, կեսը՝ Թուրքիային»․ Կիրանցի բնակիչ
9211:48«Ասում են՝ դպրոցի հայաթով ա ճանապարհն անցնելու»․ Գառնիկ Դանիելյան
9311:24«Եթե մենակ մենք ենք զիջում, էդ խաղաղություն չի»․ Կիրանցի բնակիչ
9411:18