«Չարժե դրա հետևում քաղաքական հերոսություն տեսնել». Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրել է. «Եթե Հայաստանը նորմալ պետություն դարձած լիներ, Տավուշի հատվածում դիրքեր առաջ տալը չէր համարվի բացառիկ, հերոսական մի բան: Կհամարվեր շարքային, հերթական, անհրաժեշտ մի բան բանակի՝ իր պարտավորությունները, կրկնում եմ՝ իր պարտավորությունները կատարելու հերթական դրսևորում: Հրաշալի նորություն է, անշուշտ, կեցցեն զինվորականները, բայց չարժե դրա հետևում քաղաքական հերոսություն տեսնել: Իրեն հարգող երկիրը պարտավոր է դա անել և դա պետք է շարքային, ընթացիկ գործողություն դառնա: Պարտվողական հոգեբանությունից և մտածողությունից ազատվել է պետք»: