Հայկ Ալումյանը՝ օգոստոսի 29-ին նշանակված դատաքննության մասին

«Մենք չենք սպասում, որ հիմա կլուծվեն ավելի գլոբալ խնդիրները»,- այսօր լրագրողների հետ զրույցում ասաց Ռոբերտ Քոչարյանի պաշտպան Հայկ Ալումյանը՝ անդրադառնալով օգոստոսի 29-ին կայանալիք Քոչարյանի դիմումի քննությանը ՍԴ-ում:

Նրա խոսքով՝ օգոստոսի 29-ին քննարկվող հարցերը շատ ավելի նեղ խնդիրների են վերաբերելու. «Ավելի շատ վերաբերվելու են պարոն Քոչարյանին, ոչ թե՝ Մարտի 1-ի գործին»,- ասաց պաշտպանը:

Հիշեցնենք, որ Սահմանադրական դատարանն օգոստոսի 29-ի գրավոր ընթացակարգով քննելու է Հայաստանի երկրորդ նախագահ Ռոբերտ Քոչարյանի դիմումը։ Ըստ այդմ՝ Քոչարյանը բարձր դատարանին խնդրում է ստուգել Քրեական դատավարության օրենսգրքի միաժամանակ երկու՝ խափանման միջոց կիրառելու հիմքերի և քրեական գործի վարույթը կամ քրեական հետապնդումը բացառող հանգամանքների մասին հոդվածների սահմանադրականությունը։