«Զարհուրելի սիրողական մակարդակի հայտարարություն էր». Արմեն Աշոտյանը՝ վարչապետի երեկվա ելույթի մասին

ՀՀԿ փոխնախագահ Արմեն Աշոտյանն այսօր ֆեյսբուքյան ուղիղ եթերի ժամանակ անդրադարձավ է ՀՀ վարչապետ Նիկոլ Փաշինյանի երեկվա ելույթին՝ դիվանագիտական ներկայացուցչությունների ղեկավարների հավաքի ժամանակ:

«Լսեցի և հերթական անգամ ապրեցի խորը հիասթափություն: Այս մեկ ու կես տարվա ընթացքում Հայաստանի արտաքին քաղաքական և ոչ մի ոլորտում իշխանափոխությունը Հայաստանում չբերեց բեկումնային դրական զարգացումներ»,- ուղիղ եթերի ժամանակ հայտարարեց Աշոտյանը:

Անդրադառնալով վարչապետի այն խոսքին, որ ժողովրդավարությունը պետք է լինի Հայաստանի այցեքարտը, Արմեն Աշոտյանն ասաց. «Զարհուրելի սիրողական մակարդակի հայտարարություն է, որովհետև

խնդիրն անգամ այն չէ, որ կարելի է երկար վիճել, խոսել և ապաուցել, որ ՀՀ-ում այսօր չկա ժողովրդավարություն: Քանի՞ հաջողակ երկրի օրինակ գիտեք, որոնք իրենց արտաքին քաղաքականությունը կարողացել են կառուցել ժողովրդավարության ուսմունքի շուրջ»:

Աշոտյանը որպես օրինակ բերեց Ուկրաինայի և Վրաստանի փորձը՝ մատնանշելով, որ վերջինները հետևելով այդ սկզբունքին, կորցրին մի շարք տարածքներ: