«Զինված ուժերի պետական գնումների փաստաթղթերը պետք է ուսումնասիրվեն». Արթուր Սաքունց

Իրավապաշտպան Արթուր Սաքունցը ֆեյսբուքյան իր էջում գրել է. «Հիմա ի՞նչ անենք, նորից, ինչպես նախկինում, պետք է գրությամբ հանցագործության մասին հաղորդում ուղարկենք գլխավոր դատախազություն կամ ԱԱԾ, թե՞ արդեն հրապարակման հիմքով հարուցվելու է քրեական գործ: Ասեմ նաև, որ զինված ուժերի պետական գնումների առնվազն վերջին տասնհինգ տարվա ողջ փաստաթղթերը պետք է ուսումնասիրվեն, համոզվելու համար, թե ձեռք բերման գները համապատասխանել են արդյոք այդ ժամանակ շուկայական գներին: Կոռուպցիոն մեխազնիմներն անպատիժ գործել են հատկապես գաղտնի համարվող գնումների տիրույթում... Կա՞ ցանկություն բացահայտելու կոռուպցիոն հանցագործությունները և վերականգնել պետությանը և նրա անվտանգության հասցված վնասը, թե՞ ոչ, որի հետևանքներն առավել ցայտուն բացահայտվեցին ապրիլյան պատերազմի ժամանակ:

Այս հոդվածում, կա ևս մեկ կարևոր հանգամանք, որ կոռուպցիոն ռիսկերը կապված են ռուսական մատակարարող կազմակերպության հետ, որը նույնպես պետք է դառնա քննության առարկաներից մեկը»: