«Նա լավ գիտի իր ղեկավարած Հայաստանի իրավական «արդարադատության» պատկերը». Հ. Խառատյան

Ազգագրագետ Հրանուշ Խառատյանը ֆեյսբուքյան իր էջում գրել է. «Սերժ Սարգսյանը համոզված է, որ «արդարադատությունը, ի վերջո, կհաղթի, և ժամանակը, որպես ամենամեծ դատավոր, ցույց կտա յուրաքանչյուրին իր իրական տեղը պատմության մեջ, մեր ժողովրդի և պետության կյանքում՝ զատելով սուտը ճշմարտությունից, բանսարկությունը արդարադատությունից, ամբոխահաճո և կեղծ հայրենասիրությունը իրական հայրենասիրությունից»:

Եթե պարոն Սարգսյանի արդարադատությունը ժամանակին և պատմությանն է ապավինում, ուրեմն նա լավ գիտի իր ղեկավարած Հայաստանի իրավական «արդարադատության» պատկերը՝ դրան ուշքի բերելու համար ահռելի պատմական ժամանակի կարիք է լինելու: Ով ով, բայց նա անկասկած լավ գիտի, որ իրավական «արդարադատությունը» մեր երկրում կապ չունի օրենքի իրավունքի հետ, այն իշխանության ուժի ուղիղ իրավունք է»: