«Տպավորություն է` Ռոբերտ Քոչարյանի տարածած ուղերձը գրել է Վիտալի Բալասանյանը». Էդգար Առաքելյան

Քաղաքագետ Էդգար Առաքելյանը ֆեյսբուքյան իր էջում գրել է. «Ռոբերտ Քոչարյանի ուղերձը Վիտալի Բալասանյա՞նն է գրել: Այնպիսի տպավորություն է՝ կարծես՝ Արցախի անկախության օրվա առթիվ Ռոբերտ Քոչարյանի տարածած ուղերձը գրել է Վիտալի Բալասանյանը, քանզի այդ ուղերձը, մի տեսակ, գրված է վերջերս Վիտալի Բալասանյանի՝ Հայաստանի ու նրա լեգիտիմ իշխանության հասցեին հնչեցրած մեղադրանքների, Հայաստանն Արցախից զատելու, արցախցուն հայ ժաղավրդից զատելու, քինախնդրությամբ ու թշնամանքով լի ներքին խորն ատելության տրամաբանությամբ:
Քոչարյանի ուղերձում «Հայաստան» բառն օգտագործված է մեկ անգամ, այն էլ՝ բացասական իմաստով, բացակայում են «հայ», «հայ ժողովուրդ», «համայն հայություն», «համահայկական» բառերն ու հասկացությունները՝ դրանով Արցախի անկախության կերտման պայքարից դուրս թողնելով համահայկականության գործոնը: Քոչարյանը նշում է, որ Արցախը կրկին կանգնած է դժվար մարտահրավերների առաջ: Համաձայն եմ նրա հետ, այոʹ, կա նման մարտահրավեր ու ամենավտանգավորը՝ դա վերը նշված պառակտիչ մտածելակերպն ու դրանով պայմանավորված գործողություններն են: Քոչարյանի ուղերձը համահայկական, պետական ու քաղաքական գործչի ուղերձ չէր, այլ նեղ անձնական ու կլանային շահերը ներկայացնող, քինախնդիր մարդու ուղերձ էր: ԱՐՑԱԽԸ ՀԱՅԱՍՏԱՆ Է և ՎԵՐՋ»: