Հինգշաբթի, 19 սեպտեմբերի, 2019 թ.
|
Ստեփանակերտում`   +21 °C

Բակո Սահակյանը՝ Արցախի ընտրությունները դիտարկելու և ՀՀ իշխանությունների հետ հարաբերությունների մասին

Բակո Սահակյանը՝ Արցախի ընտրությունները դիտարկելու և ՀՀ իշխանությունների հետ հարաբերությունների մասին
84
Կիրակի, 08 սեպտեմբերի, 2019 թ., 17:25

«Բնականաբար, այդ ընտրությունների կազմակերպիչների հետ այդ նախընտրական շրջանում բազմազան քննարկումներ ենք ունեցել, շատ ուրախ եմ, որ ինչպես միշտ ընտրությունները կազմակերպվել են բարձր մակարդակով և համոզված եմ, որ բոլոր նրանք, ովքեր ցանկացել են իբր դիտորդ մասնակցել ընտրություններին, կհամոզվեն, որ ժողովրդավարական արժեքներն Արցախում ավելի քան ընդգծված և խորը արմատներ գցած և ժողովրդի համար արժեք են ներկայացնում»,-այսօր՝ ՏԻՄ ընտրությունների օրը, լրագրողների հետ զրույցում, ասել է Արցախի նախագահ Բակո Սահակյանը՝ պատասխանելով հարցին, թե ի՞նչ դիրքորոշում ունի հայաստանյան կազմակերպությունների կողմից Արցախի ՏԻՄ ընտրությունները դիտարկելու առնչությամբ։

Հաջորդ հարցին, թե ի՞նչ դիրքորոշում ունի ՀՀ վարչապետ Նիկոլ Փաշինյանի այն հայտարարության վերաբերյալ, թե Արցախի իշխանության հետ անհամաձայնություններ կան և կառավարման համակարգերի միջև ներդաշնակության անհրաժեշտության կա, Բակո Սահակյանը պատասխանել է. «Այդ ներդաշնակությունը նույնպես մեր առօրյա առաջնահերթությունների շարքին է դասվում և մենք շարունակելու ենք մեր գործընկերների հետ այդ ուղղությամբ համապատասխան աշխատանքներ կատարել: Անհամաձայնությունները չպետք է որակել որպես ողբերգություն։ Մենք, բնական է, ունենք տեսակետներ ու այնտեղ, որտեղ այս կամ այն տեսակետները չեն համընկնում, ես դա վերագրում եմ մեր ախատանքային հարաբերություններին»։