ԱՄՆ լրտեսը պատմել է Պուտինի հրամանի մասին․ The New York Times

Ռուսաստանից տարհանված ամերիկացի լրտեսը տեղեկատվություն է տրամադրել Պուտինի անմիջական հրամանի մասին, որը վերաբերում է 2016 թվականին ԱՄՆ նախագահական ընտրություններին անմիջական միջամտության մասին. գրում է The New York Times-ը:
«Տասնամյակներ առաջ, ԿՀՎ-ն հավաքագրեց ու զգուշորեն ղեկավարեց ռուսաստանցի միջին օղակի մի պաշտոնյայի, ով շատ արագ պաշտոն ստացավ ուժային կառույցներում: Ամերիկացի հետախուզության գործակալներն անսպասելիորեն ստացան ոսկե տոմս, նրանց վաղեմի աղբյուրը ազդեցիկ դիրքում էր, որը հնարավորություն էր տալիս մուտք ունենալ Կրեմլի իշխանության բարձրագույն էշելոններում»,-ասվում է հոդվածում:
Կայքը նշում է, որ 2016 թվականին, երբ հայտնի դարձավ, որ Ռուսաստանը միջամտում է ԱՄՆ ընտրություններին, պաշտոնյան դարձավ ԿՀՎ-ի ամենակարևոր և պաշտպանված գործակալներից մեկը: Հենց այս մարդն է հայտնել, որ Պուտինը անձամբ տվել է ԱՄՆ նախագահական ընտրություններին միջամտելու հրամանը: Պուտինն անձամբ է կարգադրել հաքերային հարձակում կազմակերպել Դեմոկրատական կուսակցության սերվերների վրա, ինչը կարևոր նշանակություն ունեցավ նախագահական մրցավազքում:
«ԿՀՎ աշխատակիցները ներգրավված էին գործակալի անվտանգության գործում և 2016 թվականի վերջին լրտեսին առաջարկեցին կազմակերպել նրա տարհանումը Ռուսաստանից: Սկզբում լրտեսը հրաժարվեց, քանի որ մտավախություն ուներ ղեկավարության հարցում: Գլխամասային գրասենյակում կասկածներ առաջացան լրտեսի հուսալիության վերաբերյալ: Սակայն, մի քանի ամիս անց, ԿՀՎ-ն նոր առաջարկ արեց, և այս անգամ լրտեսը համաձայնեց»,-պատմում են հոդվածի հեղինակները: NYT-ը գրում է, որ Կրեմլից գործակալի տարհանումը նրանց զրկեց Ռուսաստանի իշխանության ամենակարևոր աղբյուրներից մեկում իրենց ներկայությունից: Համաձայն հրապարակման, այդ ժամանակից ի վեր ԱՄՆ հետախուզությունը «կորցրեց» Կրեմլի ներսում տեղի ունեցող գործընթացների վերաբերյալ իր լրտեսին:
Հոդվածում նշվում է նաև, որ անանուն պաշտոնյան «չի պատկանում Պուտինի վստահված անձանց ներքին օղակին», բայց միևնույն ժամանակ ամեն օր հանդիպում էր Ռուսաստանի նախագահի հետ և մասնակցում պետական քաղաքականության մշակման գործընթացին: Նրա տրամադրած տեղեկատվությունն այնքան կարևոր էր, որ ԿՀՎ-ի նախորդ տնօրեն Ջոն Բրենանն անգամ այն չի ներառել նախագահի հետախուզական ամենօրյա ճեպազրույցներում, բայց հատուկ փաթեթավորված ծրարներում դրել են ԱՄՆ նախագահ Բարաք Օբամայի սեղանին:
ԿՀՎ որոշ պաշտոնյաներ կասկածում էին, որ լրտեսը կարող է իրականում կրկնակի գործակալ լինել, բայց այդ կասկածները ցրվեցին, երբ նա համաձայնեց ընտանիքի հետ մեկնել Միացյալ Նահանգներ: Լրտեսին առաջարկել են երկարատև կարիերայի հեռանկար ԱՄՆ-ում:

«Գողին բարերար չփորձեք կոչել․ հեսա փողերը ձեռներիցդ կառնենք, կդառնաք քաղաքական բոմժ»․ Նիկոլ Փաշինյանը՝ ընդդիմադիրներին (տեսանյութ)
3418:42
«Ասում են՝ գյոզալ Ավստրալիան ու Բրազիլիան թողած՝ գնացել են Ադրբեջանի հետ են խաղաղություն հաստատում»․ Նիկոլ Փաշինյան (տեսանյութ)
5918:18
«Դու արջ քորող ստնտու ես»․ Նիկոլ Փաշինյանը՝ Մեսրոպ Մանուկյանին (տեսանյութ)
1318:00
«Նոր սահմանադրության ուղերձը մեկն է՝ մենք փակում ենք կոնֆլիկտների էջը բոլոր ուղղություններով»․ Նիկոլ Փաշինյան (տեսանյութ)
5317:42
Նիկոլ Փաշինյանն ընդունել է Գերմանիայի ԱԳ նախարարի գլխավորած պատվիրակությանը
6517:30
«Հերթով ձեր տեղը գտնում եք ՀՀ ինքնիշխան պետության բանտախցերում», «դուք ինձ սպառնո՞ւմ էիք». իրավիճակը՝ ԱԺ-ում (տեսանյութ)
8517:24
«Ադրբեջանի «վերջին պահանջը» ձևավորվում է Հայաստանում»․ Վահե Հովհաննիսյան
6617:06
«TRIPP նախագծի իրականացման գործնական փուլ ենք մտնում». Նիկոլ Փաշինյան (տեսանյութ)
5817:00