«Փաշինյանը նպատակ չի հետապնդում մաքրել Եկեղեցին, այլ ուզում է պառակտել»․ Հովիկ Աղազարյան

«Նիկոլ Փաշինյանը, որ ասում է, թե ինքը պայքարում է Եկեղեցու թերությունները վերացնելու, մաքրելու համար, այդ ազնիվ գաղափարի տակ ուրիշ նպատակ է հետապնդում»,- «Նյուզ»-ի հետ զրույցում այս կարծիքը հայտնեց ԱԺ պատգամավոր Հովիկ Աղազարյանը։
Նրա խոսքով՝ եթե Փաշինյանն այդ նպատակը հետապնդեր, ապա կարող էր դա 5 տարի առաջ սկսել։ «Եվ եթե նույնիսկ հիմա է որոշել սկսել, էլի ձևեր կան, օրենքներ, փոփոխություններ, ընդհուպ մինչև Սահմանադրության մեջ փոփոխություններ, բայց ոչ այս ձևով։ Ինքը նպատակ չի հետապնդում մաքրել, այլ ուզում է պառակտել Եկեղեցին։ Ուզում է դարձնել Հայաստանի կաթողիկոսություն, ինչը պետք է լինի, այսպես կոչված, «4-րդ հանրապետության» կոնցեպտի հիմնասյուներից մեկը․․․ Եկեղեցին համահայկական կառույց է և կարող է «4-րդ հանրապետության» ստեղծման հետ կապված դիմադրություն առաջացնել։ Ըստ էության՝ Փաշինյանը սահմանադրական կարգն է խախտում»։