Սասուն Խաչատրյանի և Վանեցյանի գաղտնալսման մասով գործը բացահայտվել է. «Ժողովուրդ»
![]() 522 Չորեքշաբթի, 11 սեպտեմբերի, 2019 թ., 09:25 «Այսօր լրանում է Հատուկ քննչական ծառայության պետի և ԱԱԾ տնօրեն Արթուր Վանեցյանի մասնակցությամբ աղմկահարույց գաղտնալսման հրապարակման մեկ տարին, սակայն իրավապահ համակարգը լռում է: Եվ, ահա, «Ժողովուրդ» օրաթերթի տեղեկություներով՝ գաղտնալսման մասով հարուցված քրեական գործը բացահայտվել է, սակայն իրավապահներն ու իշխանությունները լռում են: Իրավապահ մարմինները հիմնավորել են, որ ուժային կառույցների և վարչապետի գաղտնալսումը իրականացվել է ԱՊՀ երկրներից մեկից, և հայտնի է, թե կոնկրետ ով կամ ովքեր են այն արել: Ասել է թե՝ գործը ամբողջությամբ բացահայտվել է: Սակայն մեզ հասած տեղեկությունների համաձայն՝ իրավապահները և իշխանությունները լռում են՝ հնարավոր ներքաղաքական բախումներից խուսափելու և երկրում անկայուն վիճակ ստեղծելու հեռանկարից ելնելով: Հիշեցնենք մեկ փաստի մասին ևս. գաղտնալսման հրապարակումից հետո պաշտոնյաները հրատապ ասուլիս հրավիրեցին: Ի թիվս այլ հարցերի՝ Սասուն Խաչատրյանը նաև մի շարք բացահայտումներ արեց Մարտի 1-ի թեմայով, որոնք առավել շիկացրին առանց այդ էլ զգացմունքային թեման: ՀՔԾ պետը հայտարարել էր. «Տիգրան Աբգարյանը սպանվել է հատուկ ջոկատայինների կողմից: Այդ մասին ունենք ապացույցներ հստակ: Տիգրան Աբգարյանը սպանվել է այն ժամանակ, երբ Քոչարյանն արդեն իսկ մտցրել էր արտակարգ դրություն, սակայն որևէ հրազենային վիրավորում ստացած զինծառայող չկար: Տիգրան Աբգարյանին հրազենային վիրավորում է հասցվել նրա համար, որպեսզի Ռոբերտ Քոչարյանի այդ խոսքերը, թե մենք արդեն ունենք զոհեր, հիմնավորվի»: Այս հայտարարությունից ևս անցել է մեկ տարի, և եթե ՀՔԾ պետի ասածը ապացուցված է փաստերով, ապա ի՞նչ է արել նախաքննական մարմինը մեկ տարի անց, ինչո՞ւ, օրինակ, Ռոբերտ Քոչարյանին մեղադրանք առաջադրված չէ. եթե առաջադրված է, ապա ինչո՞ւ այն չի հրապարակվում: Այս հարցերի պատասխանը ստանալու նկատակով «Ժողովուրդ» օրաթերթը դիմեց Հատուկ քննչական ծառայության լրատվական բաժին և սպասում ենք վերջիններիս պատասխանին: Պատասխանի դեպքում պատրաստ ենք հրապարակել այն»,-գրում է թերթը: Առավել մանրամասն՝ թերթի այսօրվա համարում: |
«Ազատազրկման գործիքն էլ է սպառվել». «ՀայաՔվե»
14103:06«Մենք պատրաստ ենք». Վիկտոր Օրբան
14300:15«Սերիական մարդասպանի պես մի անօրինականությունից հետո ինքնահոս շարունակում են»․ Գեղամ Մանուկյան (լուսանկար)
151Երեկ, 23:06«Փաշինյանի վերարտադրման միակ ճանապարհը վախի մթնոլորտ ստեղծելը, պոտենցիալ հակառակորդներին վերացնելն է»․ Լևոն Զուրաբյան
124Երեկ, 21:00Պակիստանի վարչապետը պատրաստ է Աֆղանստանի հետ բանակցություններ սկսել
161Երեկ, 18:27«ՀԷՑ-ում արձանագրվել են թերգրանցումներ. հաղորդում է ներկայացվել Գլխավոր դատախազություն»․ Ռոմանոս Պետրոսյան
227Երեկ, 18:06Ադրբեջանը նախատեսում է կրճատել պաշտպանության ծախսերը
235Երեկ, 17:54«ՀՀԿ-ի հետ նախընտրական դաշինք կազմելու նպատակ չկա»․ Լևոն Քոչարյան (տեսանյութ)
262Երեկ, 17:06