Ուրբաթ, 11 սեպտեմբերի, 2026 թ.
|
Ստեփանակերտում`   +15 °C

Օրբելյանը Ռոբերտ Քոչարյանի խափանման միջոցը վերացնելու միջնորդություն ներկայացրեց

Օրբելյանը Ռոբերտ Քոչարյանի խափանման միջոցը վերացնելու միջնորդություն ներկայացրեց
346
Հինգշաբթի, 12 սեպտեմբերի, 2019 թ., 15:10

Ռոբերտ Քոչարյանի փաստաբան Արամ Օրբելյանն այսօր դատարանում միջնորդեց անհապաղ ազատ արձակել իր պաշտպանյալ Ռոբերտ Քոչարյանին և վերացնել կալանքը:

«ՍԴ-ն հաստատել է, որ ոչ միայն բացակայում է անձեռնմխելիությունը որպես հիմք, այլն նաև բացակայում են կառուցակարգերը: Հաշվի առնելով այսքանը, ՀՀ իշխանություններն ունեն պարտավորություն՝ անմիջապես վերացնել անձի սահմանադրությամբ նախատեսված իրավունքների խախտումները, իսկ տվյալ դեպքում արձանագրվել է 27-րդ հոդվածի խախտում: Ուստի խնդրում և միջնորդում ենք՝ պարոն Քոչարյանին անհապաղ ազատ արձակել և վերացնել որևէ խափանման միջոց»,- դիմելով դատարանին՝ ասաց Արամ Օրբելյանը:

Դատախազությունը միջնորդեց մերժել Ռոբերտ Քոչարյանի պաշտպանական խմբի միջնոդրությունը՝ խափանման միջոց կալանավորումը փոխելու վերաբերյալ:

Հիշեցնենք, որ Երևանի ընդհանուր իրավասության դատարանում քննվում է ՀՀ երկրորդ նախագահ Ռոբերտ Քոչարյանի խափանման միջոցի հարցը։

Կարդացե՛ք նաև