«Երբեք չէիր կարող հասկանալ՝ նրան անհանգստացնող խնդիր կար, թե՝ ոչ». Լևոն Մկրտչյանը՝ Հայկ Հարությունյանի մասին

ՀՀ նախկին ոստիկանապետ Հայկ Հարությունյանի հոգեհանգստի արարողության ժամանակ՝ լրագրողների հետ զրույցում ԿԳ նախկին նախարար Լևոն Մկրտչյանն ասաց. «Ինձ համար նա երկրին, հայրենիքին նվիրված սպայի կերպար էր, որը հստակ կատարում էր իր առջև դրված խնդիրները: Հաճախակի ենք շփվել, քանի որ մենք նաև հարևաններ ենք»:

Հարցին՝ Հարությունյանը պատմե՞լ է իր խնդիրների մասին, Մկրտչյանն ասաց. «Նա բառիս բուն իմաստով սպա էր, և երբեք չէիր կարող հասկանալ՝ նրան անհանգստացնող խնդիր կար, թե՝ ոչ»:

Հարցին՝ ինչ թեմաներից էին զրուցում միասին, Մկրտչյանն ասաց.

«Երկիր, հայրենիք, բնություն, որս, իր կատուները, իր աշխարհը, որը ստեղծել էր Բջնիում: Շատ հետաքրքիր թեմաներ կային բացի քաղաքականությունից»: