«Մեր ճանապարհների մահվան ուրվականները ЗИЛ-երն են». Կարեն Հովհաննիսյան

Ռազմագետ, «Հայոց հզոր բանակ» ՀԿ հիմնադիր-նախագահ Կարեն Հովհաննիսյանը ֆեյսբուքյան իր էջում գրել է. «Մեր ճանապարհների մահվան ուրվականները ЗИЛ-երն են: Միայն երեկ, երեք անգամ վերջին պահին նկատեցի իմ դեմով ընթացող ЗИЛ-ին ...Ու այսպես միշտ: Այդ մեքենաների վարորդներն իրենց մեքենաները ավտոմայրուղիների վրա շահագործում են գիշերային ժամերին՝ տեղափոխելով տարատեսակ բեռներ, հիմանականում տուֆ: Այդ բեռնատարների գիշերային լուսավորությունը զրո մակարդակի վրա է: Զարմանում եմ այդ վարորդների վրա, որ իրենց անմիտ քայլով դառնում են բազմաթիվ վթարային իրավիճակների, ինչու չէ, նաև վթարների պատճառ: Իսկ թե ինչո՞ւ են գիշերը շահագործում, արդեն պարզ է, խուսափում էն ՃՈ-ի հետ առերեսվելուց... Փրկեք մեզ այդ ЗИЛ-երից, որոնք միջհանրապետական ճանապարհներին գիշերային ժամերին պատուհաս են վարորդներիս գլխին...»։