«Սա խաղ ու պար չէ». Րաֆֆի Հովհաննիսյանը`Մարտի 1-ի գործի մասին

«Ժառանգություն» կուսակցության քաղխորհրդի նախագահ Րաֆֆի Հովհաննիսյանն այսօր «Ազատություն» ռ/կ-ի եթերում անդրադարձել է Մարտի 1-ի գործին, Ռոբերտ Քոչարյանի կալանավորմանը:

«Սա խաղ ու պար չէ, մենք պիտի իմանանք ի վերջո, թե ովքեր են հրահանգողները մարդկային տասը զոհերի: Ես ուզում եմ իմանալ, որպես քաղաքացի․ ո՞վ է հրահանգել և ո՞վ է կատարել: Այս գործի ավարտին ես ուզում եմ դա իմանալ»,-հայտարարել է նա:

Դիտարկմանը, թե ժամանակին «Ժառանգության» ներկայացուցիչներն ասում էին, որ հիմքեր չկան Սեյրան Օհանյանին տեսնելու Մարտի 1-ի հետևում, սակայն այժմ կա պաշտոնական մեղադրանք, Հովհաննիսյանն ասել է. «Ես չեմ զղջում: Ես գեներալ Օհանյանին հարգում եմ, ինքը Արցախի հերոս է: Ես այդ քաղաքական որոշման վերաբերյալ փոքրամասնության մեջ էի: Որպես անհատ ես շատ հարգում եմ գեներալին, ես համարում եմ, որ ինքը անմեղ է, քանի դեռ ինքը մեղավոր չի ճանաչվել: Չեմ զղջում, որովհետև այս կյանքում մի դուռը բացվում է մի այլ դռան վրա, ոչ մեկը չունի ճշմարտության մենաշնորհը»:

Առավել մանրամասն՝ տեսանյութում: