Հինգշաբթի, 17 հոկտեմբերի, 2019 թ.
|
Ստեփանակերտում`   +11 °C

«Ալիևն արդեն հոխորտում է սեփական դեմքով». Կարեն Հովհաննիսյան

«Ալիևն արդեն հոխորտում է սեփական դեմքով». Կարեն Հովհաննիսյան
62
Շաբաթ, 05 հոկտեմբերի, 2019 թ., 00:15

Ռազմագետ, «Հայոց հզոր բանակ» ՀԿ հիմնադիր նախագահ Կարեն Հովհաննիսյանը ֆեյսբուքյան իր էջում գրել է. «Ադրբեջանի նախագահ Իլհամը որոշել է հանդես գալ բացառապես ապակառուցողական դիրքերից:
Ապակառուցողական ասվածը շատ մեղմ է: Նա արդեն հոխորտում է սեփական դեմքով: Եթե մինչ այս նա իր նվաճողական կեցվածքը ի ցույց էր դնում բացառապես մեդիադաշտով , որտեղից հազիվ էր նշմարվում նրա ականջները, ապա այժմ անցել է սեփական դեմքով հանդես գալուն: Միայն սեպտեմբեր ամսին Իլհամը տարբեր լսարանների ներկայությամբ, տարբեր միջոցառումների ժամանակ, այդ թվում համատեղ զորավարժությունների, հայտարարել է, որ «Ղարաբաղը» Ադրբեջանի անբաժանելի մասն է և , որ «Ղարաբաղը» Ադրբեջանին «կմիացնեն» շուտով: Նա Հայաստանին սկսել է մեղադրել ոչ միայն հայտարարությունների մասով, այլ կոնկրետ դեպքերով կրակոցների մասով: Սա խոսում է նրա մասին, որ Ադրբեջան անունով պետության ղեկավարը փաստացի ոտքի տակ է տալիս թե՛ միջնորդների ջանքերը, թե ՛ առավե ևս հայկական կողմի այն մեսիջները, որոնք վերջին շրջանում ուղղվում են իրենց, որպես հարցի կարգավորմանը օգնող լրացուցիչ էլեմենտներ: Գնալով ավելի անկանխատեսելի կանխատեսելի է դառնում Իլհամը»: