«Իլհամը պատերազմի վերսկսման մասին այնքան պարզ է ասում, որ անգամ տողատակ փնտրել պետք չէ». Կարեն Հովհաննիսյան

Ռազմագետ, «Հայոց հզոր բանակ» ՀԿ հիմնադիր-նախագահ Կարեն Հովհաննիսյանը ֆեյսբուքյան իր էջում գրել է. «Իլհամը փաստորեն ՌԴ-ին պարտավորեցնում է, որ Ադրբեջան-Հայաստան ռազմական հնարավոր գործողությունների դեպքում Ռուսաստանը պետք է հետևի Ադրբեջան- Ռուսաստան ռազմական գործընկերության պայմաններին: Այսինքն՝ բաց տեքստով ասում է, որ ՌԴ-ն, ինչպես նաև ՀԱՊԿ-ն չխառնվեն: Այստեղ Իլհամի տողատակը շատ պարզ է, նա պատերազմի վերսկսման մասին այնքան պարզ է ասում, որ անգամ տողատակ փնտրել պետք չէ: Նա նաև խոսում է ռուսական ժամանակակից զենքի ձեռքբերման մասին, որը շուտով կլինի Ադրբեջանում:
Հ.Գ. Ես չեմ գուժում պատերազմի վերսկսման մասին, դրա մասին ասում է մեր թշնամի երկրի նախագահը, այն էլ՝ ոչ թե իր երկրում, այլ երկրում, այլ երկրների առաջնորդների ներկայությամբ»: