Երկուշաբթի, 14 հոկտեմբերի, 2019 թ.
|
Ստեփանակերտում`   +12 °C

«ՌԴ ԱԳ նախարարի 2 ժամանոց խոսքի հիմնական ուղերձը հենց դա էր». Նաիրի Հոխիկյան

«ՌԴ ԱԳ նախարարի 2 ժամանոց խոսքի հիմնական ուղերձը հենց դա էր». Նաիրի Հոխիկյան
62
Շաբաթ, 05 հոկտեմբերի, 2019 թ., 18:05

Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է․ «ՌԴ ԱԳ նախարար Սերգեյ Լավրովը «Վալդայ» միջազգային հեղինակավոր ակումբում մի հայտարարություն արեց, որը թեև հայ հանրության կողմից վատ ընկալվեց, բայց ես կարծում եմ, որ դա մեսիջ էր՝ ուղղված մեզ: Ավելի շուտ՝ զգուշացում:

Լավրովն ասաց, որ Արցախի շուրջ լայնածավալ ռազմական գործողությունների սպառնալիք չկա:

Հաճախ դիվանագետները ինֆորմացիան հրապարակայնորեն հաղորդում են հակառակ իմաստով: Լավրովի խոսքը, ըստ իս, պետք է հասկանալ՝ լայնածավալ ռազմական գործողությունների սպառնալիք ԿԱ: Եվ ՌԴ ԱԳ նախարարի 2 ժամանոց խոսքի հիմնական ուղերձը հենց դա էր:

Հայկական կողմը նաև պետք է պատրաստ լինի, որ այս անգամ Ադրբեջանը վստահ է՝ իր հարձակվելու դեպքում ՀԱՊԿ-ն տևական ժամանակ որևէ հայտարարություն չի անի, նույնկերպ ՀԱՊԿ-ն կլռի, եթե ադրբեջանական զորքը գնդակոծի նաև ՀՀ տարածքները: Չմոռանանք, որ նախ 2020թ. հունվարից ՀԱՊԿ գլխավոր քարտուղար է դառնալու Ադրբեջանում բիզնես շահեր ունեցող Ստանիսլավ Զասը, բացի այդ, հայ-ռուսական կուլիսային հարաբերությունները չեն փայլում:

Եթե վարդագույն ակնոցով չնայենք իրականությանը, ապա մենք լուրջ մտահոգությունների և ռազմական ու դիվանագիտական առումով լավ պատրաստվելու կարիք ունենք»: