«Չեմ կարծում, թե ԱՄՆ-ը հենց այնպես «կանաչ լույս» վառեց թուրքական ներխուժման համար». Վարդան Ոսկանյան

Իրանագետ Վարդան Ոսկանյանը ֆեյսբուքյան իր էջում գրել է. «Բոլորը պնդում են, թե Սիրիայում աշխարհաքաղաքական խաղ է ընթանում՝ նաև անդրկուլիսային պայմանավորվածություներով։ Կասե՞ք, իսկ որտե՞ղ այդպես չէ։ Չեմ կարծում, թե ԱՄՆ-ը հենց այնպես «կանաչ լույս» վառեց Սիրիայի հյուսիս թուրքական վերջին ներխուժման համար, ինչի արդյունքում կարող են այնպիսի զարգացումներ տեղի ունենալ, որ մի կողմից Թուրքիայի, իսկ մյուսից՝ Ռուսաստանի և Իրանի շահերը բախվեն։

Եվ մեկ այլ կարևոր հանգամանք․ չկա որևէ աշխարհաքաղաքական խաղ, որտեղ վեջնարդյունքը գերճշգրիտ կերպով հաշվարկելի լինի, որովհետև դա յուրատեսակ շախմատ է՝ ընթացքում բոլոր մասնակիցների կողմից ստեղծագործ մոտեցումներով»։