«Տանը կատակում են, թե միայն մայրիկին չեն կանչել ԱԱԾ, որովհետև իջևանցի է». Հրայր Թովմասյան

«Կարծում եմ, օբյեկտիվ վիճակ է, երբ հանրային մեծ հնչեղություն ունեցող հարցի վերաբերյալ Սահմանադրական դատարանը կայացնում է մի որոշում, որը կարող է հանրային իշխանությունների կողմից ճիշտ չընկալվել, կամ իրենց սրտով չլինել»,- այսօր «Արմնյուզ» հեռուստաընկերության եթերում ասել է Սահմանադրական դատարանի նախագահ Հրայր Թովմասյանը:

Նա նշել է, որ եթե վերջին հաշվով իր հրաժարականն է լինելու երկրի զարգացման գրավականը, առկա խնդիրների լուծումը, ապա իր համար երկրի զարգացումն ավելի կարևոր է, քան՝ պաշտոնը:

Անդրադառնալով գործընթացին իր ընտանիքի անդամների ներգրավմանը՝ Հրայր Թովմասյանն ասել է .«Անշուշտ, տեսնել 75 տարեկան հայրիկիդ, որը վերջին 2 տարվա ընթացքում 4 բարդ վիրահատություն է կրել, և տեսնել, որ իրեն ինչ-որ հարցեր են տալիս, հաճելի չէ, բնականաբար: Մեղավորության զգացողություն ես ունենում: Հաճելի երևույթ չէ, երբ տեսնում ես դուստրերիդ, որոնց այլ կերպ ես դաստիարակել, և իրենք պիտի գնան և ինչ-որ հարցերի պատասխանեն: Մեր տանն արդեն կատակում են, ասում են, թե միայն մայրիկին չեն կանչել ԱԱԾ, որովհետև նա իջևանցի է»։

Առավել մանրամասն՝ տեսանյութում: