Բարձրաստիճան զինվորականությունն այս օրերին անհանգիստ է․ «Ժողովուրդ»

288

Ուրբաթ, 25 հոկտեմբերի, 2019 թ., 10:05

«Ժողովուրդ» օրաթերթի տեղեկություններով՝ բարձրաստիճան զինվորականությունն այս օրերին անհանգիստ է: Խնդիրն այն է, որ Սյունիքի մարզի Կապան քաղաքի ՀՀ ՊՆ N զորամասից արդեն 5 օր է, ինչ ժամկետային զինծառայող է ինքնակամ լքել զորամասը, և նրանից մինչ օրս որևէ լուր չկա: Այստեղ, անշուշտ, գլխավոր պատասխանատուն ՀՀ ԶՈՒ գլխավոր շտաբն է՝ ի դեմս շտաբի պետ Արտակ Դավթյանի:

Մեր տեղեկություններով՝ հիմնական անհանգստության ալիքը հենց այստեղ է, որովհետև միայն այս տարվա ընթացում դեպքեր եղան, երբ զինվորները զորամասում ունեցած խնդիրների պատճառով հակառակորդի կողմն անցան կամ էլ հակառակորդի սահմանում ինքնասպան եղան: ՊՆ մեր աղբյուրները փոխանցում են նաև, որ պաշտպանական գերատեսչությունում պարզապես աղոթում են, որ զինվորը ողջ գտնվի»։

Մանրամասները՝ թերթի համարում: