Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Անակնկալի եկանք». ԼՀԿ պատգամավորներին թույլ չեն տվել տեսակցել Արսեն Բաբայանին

«Անակնկալի եկանք». ԼՀԿ պատգամավորներին թույլ չեն տվել տեսակցել Արսեն Բաբայանին
304
Ուրբաթ, 25 հոկտեմբերի, 2019 թ., 23:20

«Վարդաշեն» քրեակատարողական հիմնարկի վարչակազմը ԱԺ «Լուսավոր Հայաստան» խմբակցության պատգամավորներ Գևորգ Գորգիսյանին և Անի Սամսոնյանին թույլ չի տվել տեսակցել ԱԺ աշխատակազմի ղեկավարի նախկին տեղակալ Արսեն Բաբայանին: Այս մասին ֆեյսբուքյան ուղիղ եթերի ժամանակ հայտարարել է Գորգիսյանը։

«Ինչպես գիտեք, դատարանը ևս այդ ձերբակալումը ոչ իրավաչափ համարեց, սակայն նաև բավարարեց միջնորդությունը, որ Արսեն Բաբայանին 2 ամսով կալանավորեն: Իրավիճակը հասկանալու համար մենք եկել էինք՝ տեսակցելու պարոն Բաբայանին և տեղում նրանից պարզելու իր մոտեցումները»,- ասել Գ. Գորգիսյանը։

Նրա խոսքով՝ դա անակնալ էր իրենց համար. «Քննիչը արգելանք է դրել տեսակցությունների վրա և ինչպես նախկինում, դա շարունակում է տարածվել նաև պատգամավորների վրա»,-նշել է պատգամավորը:

Հիշեցնենք, որ հոկտեմբերի 24–ին Արսեն Բաբայանը կալանավորվեց։ Դատավոր Կարեն Ֆարխոյանը միաժամանակ ոչ իրավաչափ ճանաչեց ձերբակալման որոշումը։