«Ես Նաիրի Հունանյանի դիմումի մասին լսել էլ չեմ ուզում». Դավիթ Տոնոյան

«Ես առաջին շահագրգռվածն եմ, որ «Հոկտեմբերի 27-ի» գործը բացահայտվի, եթե դեռևս չի բացահայտվել, և եթե կան անձինք, որոնք ուղղորդել են»,- այսօր «Եռաբլուր» պանթեոնում լրագրողների հետ ճեպազրույցում ասել է պաշտպանության նախարար Դավիթ Տոնոյանը:

Դիտարկմանը, թե 20 տարի է անցել, սակայն գործը դեռ բացահայտված չէ, Տոնոյանն ասել է. «Հիմա նստած, դատապարտված մարդիկ կան, ո՞նց թե գործը չի բացահայտվել։ Դատաքննությունն այնքանով, որ ավարտվել է, համարում եմ ավարտված, մնացած խնդիրների վերաբերյալ ես հիմա խոսել չեմ կարող։ Եթե ժամանակի ընթացքում նոր փաստեր ի հայտ գան, միգուցե փոփոխություն կատարվի։ Ժամանակի խնդիր է, հնարավոր չի՝ չբացահայտվի»,- ասել է Դավիթ Տոնոյանը։

Անդրադառնալով Նաիրի Հունանյանի՝ վաղաժամկետ ազատման մասին դիմումին, Տոնոյանն ասել է. «Ես դրա մասին լսել էլ չեմ ուզում»: