«2020-ին կտեղադրվի Կարեն Դեմիրճյանի արձանը». վարչապետը՝ Դեմիրճյանի այրուն

259

Կիրակի, 27 հոկտեմբերի, 2019 թ., 18:00

Այսօր ՀՀ վարչապետ Նիկոլ Փաշինյանը Կարեն Դեմիրճյանի այրու՝ Ռիմա Դեմիրճյանիհետ զրույցում ասել է, որ 2020 թվականին կտեղադրվի Կարեն Դեմիրճյանի արձանը:

«Հույս ունենք հասցնել 2020 թվականին, մենք մեզնից կախված ամեն ինչ արել ենք, մի հատ էլ կարագացնենք»,- ասել է վարչապետը:

Ռիմա Դեմիրճյանն այսօր լրագրողների հետ զրույցում ասել է, որ Հոկտեմբերի 27-ի դատաիրավական նոր զարգացումներից առանձնապես ակնկալիքներ չունի:

«Բայց միշտ էլ հույս կա: Քանի որ դա շատ կարևոր հարց է հասարակությանը հանգստացնելու համար, ոչ միայն մեզ համար, դա պետք է արվի, բայց արվի շատ զգուշավոր, օբյեկտիվ, համոզիչ, այ այդպես պետք է լինի, որովհետև մեր նպատակն է հանգստացնել մթնոլորտը»,- ասել է տիկին Դեմիրճյանը:

Ավելի վաղ հայտնել էինք, որ Երևանի քաղաքապետարանի որոշմամբ Կարեն Դեմիրճյանի անվան մարզահամերգային համալիրի մոտ կտեղադրվի հայ քաղաքական և պետական գործիչ Կարեն Դեմիրճյանի արձանը: