«Երկրի նախկին գլխավոր փեսան քաղաքական հայտ է ներկայացնում». Հովհաննես Գալստյան

347

Չորեքշաբթի, 30 հոկտեմբերի, 2019 թ., 17:30

Ազատամարտիկ Հովհաննես Գալստյանը ֆեյսբուքյան իր էջում գրել է. «Մի տեղ կարդացի, որ երկրի նախկին գլխավոր փեսան քաղաքական հայտ է ներկայացնում և պատրաստվում է մտնել մեծ քաղաքականություն և որ նրա նորամուտին պատրաստվում են աջակցել 70 հասարակական-քաղաքական կազմակերպություններ:

Լավ է, բայց կարծում եմ, որ քիչ է:

Չորս տարի առաջ, երբ տյունինգ արած ՕԵԿ-ը՝ «Հայկական վերածնունդը» նորից պատրաստվում էր բացել իր քաղաքական էջը, նրան աջակցության պատրաստակամություն էին հայտնել 150 ՀԿ-ներ՝ ամեն տեսակ կռինչ մազերով անվանումներով՝ «Ջեմ արտադրողների միություն»-ից սկսած, մինչև «Մշտարթուն» և «Կիսարթուն»:

Հավանաբար, նախկին գլխավոր փեսային կաջակցեն «Պիցցայասերների միությունը» և ինչու չէ, քանի որ հներն են գալիս, նաև «Կիսաքունը»...»: