Երեքշաբթի, 19 մարտի, 2024 թ.
|
Ստեփանակերտում`   +5 °C

«Հայ ժողովրդի պատմությունը հայ եկեղեցու պատմությունից տարանջատելով՝ ի՞նչ ուղերձ ենք հղում». Փաշինյան

«Հայ ժողովրդի պատմությունը հայ եկեղեցու պատմությունից տարանջատելով՝ ի՞նչ ուղերձ ենք հղում». Փաշինյան
583
Երկուշաբթի, 04 նոյեմբերի, 2019 թ., 20:10

ՀՀ վարչապետ Նիկոլ Փաշինյանը կրկին անդրադարձավ «զրույց քաղաքացու հետ» ձևաչափին՝ ֆեյսբուքյան ուղիղ եթերում շփվելով քաղաքացիների հետ: Նա մասնավորապես անդրադարձ կատարեց «Հայոց եկեղեցու պատմություն» առարկայի՝ դպրոցներում դասավանդելու պարտադիր սկզբունքին: «Մենք հայ ժողովրդի պատմությունը հայ եկեղեցու պատմությունից տարանջատելով՝ ի՞նչ ուղերձ ենք հղում: Ուրեմն այս տրամաբանությամբ մենք պետք է ունենանք հայ ժողովրդի պետականության պատմություն, մշակույթի պատմություն և այսպիսի բազմաթիվ առանձնացված առարկաներ, ինչը, հասկանում ենք, որ անհնարին է: Այո, խորհրդային ժամանակներում մեր պատմության դասագրքերում հնարավորինս նսեմացված է եղել կրոնի տեղը, բայց անցել են այդ ժամանակները: Հիմա ճիշտ ժամանակն է, որ մենք միասնական պատմություն ստեղծենք՝ առանց իրարից տարանջատելու մեր պատմության չափազանց կարևոր ինստիտուները: Առանձնացնելով՝ մենք հակադրում ենք այդ երկուսն իրար»:

Նա նաև տարակուսեց, որ հայկական բուհերի մասնագիտական գրականությունն օտար լեզվով է, բայց այդ հարցը ոչ ոք չի բարձրացնում: