«Վարույթն իրականացնող մարմինը և դատախազությունը փչացրել են այս գործը». Հովհաննես Խուդոյան
318 Երեքշաբթի, 12 նոյեմբերի, 2019 թ., 18:00 Նոյեմբերի 12-ին Երևանի ընդհանուր իրավասության դատարանը՝ Աննա Դանիբեկյանի նախագահությամբ քննարկեց ՀՀ նախկին նախագահ Ռոբերտ Քոչարյանի պաշտպան Հովհաննես Խուդոյանի՝ դատախազ Պետրոս Պետրոսյանին ինքնաբացարկ հայտնելու միջնորդությունը: Պաշտպանը նշեց, որ նախաքննության ընթացքում քննիչ Հրաչյա Մուշեղյանի գործողությունները թույլ են տվել պարբերական ու դիտավորյալ խախտումներ: Դրանք առնչվում են Ռ. Քոչարյանի անձնագրի առգրավմանը, նրա որդիների գույքի վրա կալանք դնելուն, քրեական գործի մասին տվյալներ չտրամադրելուն: Իսկ դատախազ Պետրոս Պետրոսյանը տեղյակ է եղել դրանցից և որևէ քայլ չի կատարել այդ խախտումներն արձանագրելու, վերացնելու ու դրանց հետևանքները շտկելու ուղղությամբ: Մինչդեռ դատախազը քննիչի գործողություններին հետևելու իրավասու պաշտոնյան է: «Վարույթ իրականացնող մարմինը և դատախազությունը փչացրել են այս գործը»,-հայտարարեց Հ. Խուդոյանը: Միջնորդությանը միացան և դատախազ Պ. Պետրոսյանին վարույթից հեռացնելու իրենց միջնորդություն-հիմնավորումները ներկայացրին պաշտպանական խմբի մյուս անդամները: Հայկ Ալումյանը հայտնեց, որ դատարանների շրջափակումը, որը քրեորեն պատժելի արարք է, արվել է բացառապես այն նպատակով, որ դատարաններն ահաբեկվեն և չկայացնեն այնպիսի միջնորդություններ, որոնք կփոխեն Ռ. Քոչարյանի խափանման միջոցը: Ըստ փաստաբանի՝ իրավասու պաշտոնյա դատախազ Պ. Պետրոսյանն իրավական գնահատական չի տվել դատարանների աշխատանքը խաթարած գործողություններին: Պաշտպանական կողմի մեկ այլ անդամ՝ Ռուբեն Սահակյանը լրացրեց դատախազի կողմից թույլ տված սխալները: Նրա վկայությամբ՝ քրեական գործում բացակայում են մի շարք ցուցմունքներ. «Հայտարարվում է, որ ՍԴ անդամների վրա ճնշումներ են կիրառվել, սակայն այդ հարցով հարցաքննվել է միայն դատավոր Ֆելիքս Թոխյանը, իսկ մնացածը չեն հարցաքննվել: Դրա նպատակը մեկն է՝ ներկայացնել միայն մեղադրական ապացույցները»: Դատական նիստը շարունակվում է: |
«Եվրոպական դատարանը երբեք չի վճռել, որ ՀՀ-ն օկուպացրել է ԼՂ-ը». Եղիշե Կիրակոսյանը՝ ՄԱԿ-ի ԱՄԴ-ում
1922:36Բաղանիսի մոտ բնակիչները նոր սյուներ են նկատել
2922:30«Իմնեմնիմի»-ի 94-րդ թողարկման հյուրը Բագրատ Սրբազանն է (տեսանյութ)
4122:12«Հակոբյան Աննայի՝ «տարօրինակություններով» նվաճած քաղաքական դիվիդենտները». Կարեն Հեքիմյան
7021:48Մասիս-Երևան գլխավոր մայրուղու վրա 50-ից ավելի անվադող են վառել (տեսանյութ)
18921:36«Անհնար է խաղաղ ապրել ադրբեջանցիների հարևանությամբ». տավուշցիները շարունակում են փակ պահել ճանապարհը (տեսանյութ)
7521:30Ծեծելով բերման են ենթարկել ԱԺԲ-ի տասնյակ անդամների, այդ թվում՝ Գարեգին Չուգասզյանին (տեսանյութ)
10321:18Բերման ենթարկվածների մի մասը դուրս եկավ ոստիկանական բաժանմունքից (տեսանյութ)
5920:48