Շաբաթ, 07 դեկտեմբերի, 2019 թ.
|
Ստեփանակերտում`   -1 °C

«Ալիևի ընտրած թիրախը վտանգավոր է հենց իր համար». Էդգար Առաքելյան

«Ալիևի ընտրած թիրախը վտանգավոր է հենց իր համար». Էդգար Առաքելյան
84
Հինգշաբթի, 28 նոյեմբերի, 2019 թ., 03:30

Քաղաքագետ Էդգար Առաքելյանը ֆեյսբուքյան իր էջում գրել է. «Ալիևը քարոզչության նոր աղբյուր է փնտրում, բայց ընտրված թիրախը կարող է իր դեմ աշխատել. Ալիևը, ի դեմս Նժդեհի, թշնամու նոր կերպար է ձևավորում, որը հասարակության ուշադրությունը շեղելու և հակահայ քարոզչության նոր հնարավորություն է տալիս։ Ակնհայտ է, որ նավթի ու գազի եկամուտներով Հայաստանի նկատմամբ ռազմաքաղաքական ու տնտեսական գերակայության հասնելու և Արցախը հետ գրավելու ադրբեջանական տասնամյակների ռազմավարությունն ու դրա վրա կառուցված քարոզչությունը ձախողվել է, որի վերջին ակորդը դրեց 2018թ. Հայաստանում տեղի ունեցած քաղաքական և տնտեսական փոփոխությունը։ Հայաստանի տնտեսությունը երկրորդ շնչառությունն է ստանում՝ իր զարգացման տեմպով, ավելի քան երկու անգամ, գերազանցելով ադրբեջանականին։ Ավելին, ըստ որոշ տվյալների, արդեն 2020-ից Հայաստանի՝ մեկ շնչին բաժին ընկնող ՀՆԱ-ի ցուցանիշով Հայաստանն առաջ է անցնում Ադրբեջանից, իսկ ժողովրդավարության ու կոռուպցիայի դեմ պայքարի ցուցանիշներով այս երկու երկրներն արդեն համեմատության եզրեր չունեն։ Ահա, այս ամենի ֆոնին, ալիևյան կլանը պետք է ստեղծի նոր միֆեր ու թշնամու նոր կերպար, որով կփորձի ևս որոշ ժամանակ սնել սեփական՝ արդեն դժգոհ հասարակությանը՝ սեփական ձախողումները բարդելով ուրիշի վրա։
Սակայն, Ալիևի ընտրած թիրախը՝ ի դեմս Նժդեհի, հայերին մեղադրել ֆաշիզմի մեջ, ամենախոցելին ու վտանգավորն է հենց իր համար, քանզի միայն մի քանի օրինակներով հնարավոր կլինի իր իսկ հայտարարած «շախ»-ով իրեն «մատ» անել։ Հիշենք. Գուրգեն Մարգարյանի սպանողին պետական մակարդակով հերոսացումը, Նախիջևանի հազարավոր հայկական խաչքարերի ոչնչացումը, հայկական ազգանուն ունեցող օտարերկրյա քաղաքացիներին Ադրբեջան մուտքի արգելքը, ապրիլյան պատերազմի ժամանակ ադրբեջանցի զինվորների՝ Թալիշի խաղաղ բնակչության նկատմամբ իրականացված հանցագործությունները, նույն ալիևյան իշխանության կողմից ադրբեջանցի ֆաշիստներին հերոսացումը և այլն։ Այս հիմքերն արդեն բավարար է հենց Ալիևին և նրա կլանին ֆաշիզմի մեջ մեղադրելու համար»։