Երկուշաբթի, 09 դեկտեմբերի, 2019 թ.
|
Ստեփանակերտում`   0 °C

«Ադրբեջանում լուրջ պրոցեսներ են ընթանում». Ստեփան Դանիելյան

«Ադրբեջանում լուրջ պրոցեսներ են ընթանում». Ստեփան Դանիելյան
205
Հինգշաբթի, 28 նոյեմբերի, 2019 թ., 20:20

Քաղաքագետ Ստեփան Դանիելյանը ֆեյսբուքյան իր էջում գրել է. «Ադրբեջանում լուրջ պրոցեսներ են ընթանում։ Կարծես թե իշխանության տրանզիտ է սկսվել։ Մեհրիբանը պատրաստվում է ստանձնել իշխանության ղեկը։

Պատահական չէր, որ նրան Ռուսաստանում ընդունեցին ամենաբարձր մակարդակով, շքանշան տվեցին, իսկ ինքը սկսեց խոսել միջազգային թեմաներով, այդ թվում նաև՝ Արցախի։

Ադրբեջանում արտահերթ խորհրդարանական ընտրություններ են սկսվում, այսինքն՝ կլանների փոփոխություն, ոմանք դուրս կմնան, ոմանք՝ կմտնեն խաղի մեջ։ Բացառված չէ, որ բարձրաստիճան ղեկավարների ու օլիգարխների ձերբակալություններ լինեն։

Մի խոսքով, պոտենցիալ հեղափոխությունը էվոլուցիայով են ուզում փոխարինել։

Կլինեն թատերական ներկայացումներ՝ Մեհրիբանը հայրենասիրական ելույթներ կարող է ունենալ, նաև Արցախի հարցով, նաև՝ արտասահմանյան այցեր՝ հարսնատես-նախագահատես։

Ադրբեջանի համար դա բարդ գործընթաց է»: