Կիրակի, 11 հոկտեմբերի, 2026 թ.
|
Ստեփանակերտում`   +11 °C

«Պատմամշակութային շենքերի ու եկեղեցիների համար ճիշտ լուսավորությունը 2700K-3000K տաքության լույսն է». Էդուարդ Հայրումյան

«Պատմամշակութային շենքերի ու եկեղեցիների համար ճիշտ լուսավորությունը 2700K-3000K տաքության լույսն է». Էդուարդ Հայրումյան
166
Երեքշաբթի, 15 սեպտեմբերի, 2026 թ., 21:00

Ակտիվիստ Էդուարդ Հայրումյանը ֆեյսբուքյան իր էջում լուսանկարներ է հրպարակել՝ կից գրելով. «Այս երկու լուսանկարներում էլ Գոշավանքն է։
Առաջինում, ցավոք, իրականությունն է, որն իր ֆեյսբուքյան էջում տեղադրել է Դիլիջանի քաղաքապետ Դավիթ Սարգսյանը։
Իսկ երկրորդում, արդեն իմ բնութագրած պարամետրերով՝ արհեստական բանականության կողմից գեներացված լուսանկարն է։
Ես հուշարձանների ու պատմամշակութային շենքերի ճիշտ լուսավորության մասին շատ եմ գրել ու պատմել տարբեր Եվրոպական քաղաքներից, բայց ինչպես տեսնում եք, ոչ բոլորին է հասնում այն։
Խնդրում եմ կիսվեք այս գրառմամբ կամ ուղարկեք այն ձեզ ծանոթ բոլոր որոշում կայացնող պաշտոնյաներին, որպեսզի մեկընդմիշտ պարզ լինի, որ «հուշարձանների, պատմամշակութային շենքերի, վանքերի ու եկեղեցիների համար ճիշտ (պրոֆեսիոնալ) լուսավորությունը 2700-3000K տաքության լույսն է»։
Ախր եթե ձեր կողքին պրոֆեսիոնալներ չկան, ապա գոնե Chat GPT-ի հետ էլի խորհրդակցեք»:

Աղբյուրը`   Էդուարդ Հայրումյան