«Փաշինյանի նման դրոշ ես կրում, և բոլոր չարաշահումներն անտեսվում են»․ Պեդրո Զարոկյան

Երևանի ավագանու ընդդիմադիր անդամ Պեդրո Զարոկյանը ֆեյսբուքյան իր էջում գրել է․ «Սա է իրական Հայաստանը․ 2020 թվականից քո դեմ հարուցված քրեական գործը դեռևս բաց է, սակայն քեզ թույլատրվում է ղեկավարել «Կանաչապատման ՀՈԱԿ»-ը։ Քո ղեկավարած կազմակերպությունը, չնայած նախազգուշացումներին, չի կտրում չորացած ծառը, և այդ ծառը սպանում է մարդու․ իսկ պատասխանատու է հարյուրավոր կենդանի ծառերի հատման համար։ «Հրատապ կարիքների» անվան տակ, առանց մրցույթի, նորաստեղծ ՍՊԸ-ի հետ թանկարժեք պայմանագիր է կնքում և կասկածելի միջնորդների միջոցով Եվրոպայից ծառեր գնում կրկնակի գնով, երբ կարող է անմիջապես գնել կես գնով… Նույնիսկ համարձակվում է հայկական ծիրանի տնկիներ գնել կասկածելի ՍՊԸ-ից՝ հատը 19,500 դրամով։ Բայց դու Փաշինյանի նման դրոշ ես կրում, և բոլոր չարաշահումները անտեսվում են, իսկ քրեական գործը մնում է թաղված»։