«Ես ունևորներին չեմ խրախուսում, խրախուսում եմ հայրենիքը չլքելը». Հայկ Սարգսյանը՝ իր նախագծի մասին
907 Ուրբաթ, 29 նոյեմբերի, 2019 թ., 15:35 «Օրինագծի նախաձեռնությունը պայմանավորված է նրանով, որ մենք շրջապատված ենք թշնամիներով: Այն ուղղված է պաշտպանության նախարարության ուժեղացմանը և դիրքերում մեր քաղաքացիների թվի աճին: 2012թ. ՀՀ զինված ուժերում չի ծառայել 8232, 2013-ին՝ 7800, 2017թ.՝ 7500 քաղաքացի: Նրանց մի մասը զինծառայությունից խուսափածներն են: Միջին հաշվարկներով ամեն տարի 5 հազար քաղաքացի չի ծառայում: Եթե այս օրենքից նրանց կեսն օգտվի, ապա բանակում 2500-ով կավելանա պայմանագրային ծառայողների թիվը, և բանակի պաշտպանունակությունը կմեծանա: Ես ունևորներին չեմ խրախուսում, խրախուսում եմ հայրենիքը չլքելը: Ես այն քաղաքացիներից եմ, որ ունեցել է հնարավորություն՝ չծառայելու, սակայն ծառայել է». նոյեմբերի 29-ին լրագրողների հետ հանդիպմանն ասաց ԱԺ «Իմ քայլը» խմբակցության պատգամավոր Հայկ Սարգսյանը՝ ներկայացնելով իր նոր օրենսդրական նախաձեռնությունը: Այն միանշանակ չի ընդունվել հանրության կողմից և ոմանց կարծիքով՝ իր մեջ վտանգներ է պարունակում, սոցիալական անարդարություն է ստեղծում: Նախագծով առաջարկվում է մի քանի օրենքներում փոփոխություններով ամրագրել, որ նրանք, ովքեր չեն ծառայել ՀՀ զինված ուժերում, հնարավորություն ունեն հայրենիք վերադառնալ, մուծել 10 միլիոն դրամ և արագացված՝ մեկամսյա զինծառայություն անցնել: Ծառայությունից հետո նրանք ընդգրկվում են պահեստազորում և պարտավորվում են պատերազմի կամ զորահավաքի դեպքում ներկայանալ: Չներկայանալու դեպքում քրեական պատասխանատվության կենթարկվեն: Հ. Սարգսյանը նշեց, որ իր նախագիծը ՊՆ-ում դեռ չի քննարկվել, չի քննարկվել նաև խմբակցությունում: |
Ադրբեջանը Հայաստանին ժամանակ է տվել ու սպառնացել
7602:06«Ես՝ անհավատս, կանգնում եմ Հայ Առաքելական եկեղեցու կողքին». Վարդան Ղուկասյան
6502:00Միջոցներ են ձեռնարկվում զինվորական համազգեստով անձանց ինքնությունը պարզելու ուղղությամբ․ ՊՆ
5601:54«Կիրանցում լուսաձայնային հատուկ միջոցի հետևանքով տուժած 5 քաղաքացի և 2 ոստիկան են տեղափոխվել «Իջևան» ԲԿ». պատգամավոր
5401:48«Սա ամբողջ հայ ժողովրդի գոյաբանական իրավունքների ու արժանապատվության համար պայքարի մաս է». Թաթոյան (լուսանկար)
5801:36Ոստիկանությունը հերքում է
7200:48Բագրատ Սրբազանը տեսակցել է Իջևանի ԲԿ տեղափոխված 2 ոստիկանին
9800:18ՀՐԱՏԱՊ ԼՈՒՐ. տասնյակ պայմանագրային զինծառայողներ միացան Կիրանցի պայքարին (տեսանյութ)
12800:00