«Ձերբակալություններն ու մեղադրանքներն անխուսափելի են». Գևորգ Դավթյան

Փաստաբան Գևորգ Դավթյանը ֆեյսբուքյան իր էջում գրել է. «Փաստորեն, ձերբակալություններն ու մեղադրանքներն անխուսափելի են ինչպես նախկին, այնպես էլ ներկա իշխանության ներկայացուցիչների նկատմամբ, առանց խտրականության։ Սա բացառիկ է այնքանով, որքանով մինչհեղափոխական ժամանակաշրջանում նման երևույթների նշույլներ անգամ չկար, կամ միգուցե հնարավոր էլ չէր պատկերացնել։ Այդ ամենով պայմանավորված՝ բոլորս պետք է գիտակցենք մեկ բան՝ պարտավոր ենք հարգել օրենքը և իրավունքը, հետևաբար, գործենք օրենքով և իրավունքով, և որևէ մեկը, լինի նա պաշտոնյա, թե քաղաքացի, պետք է իրեն առնվազն «ամպերից վեր չդասի»»։