«ԱՄՆ-ը թևակոխում է Միջին Արևելքում նոր դաշնակիցների կերտման քաղաքականության». Արա Պապյան

«Մոդուս Վիվենդի» հետազոտական կենտրոնի ղեկավար, քաղաքագետ Արա Պապյանը ֆեյսբուքյան իր էջում գրել է. «Հայկական հարցի որակապես նոր փուլն ԱՄՆ Սենատի կողմից Հայոց ցեղասպանության հարցում իրավա-քաղաքական դիրքորոշման արտահայտումը «ճշմարտության և արդարության հաղթանակն է»։

Գուցե այդպես է։

Բայց դրանից առաջ ու դրա համար Միացյալ Նահանգները Միացյալ Հայաստանի գաղափարի իրականացման երկար ու դժվարին պայքարի առաջին քայլն է անում։ Միացյալ Հայաստանի կերտումը համապատասխանում է ԱՄՆ շահերին և դա միջնաժամկետ ծրագիր է։

Միացյալ Նահանգներն անցնում է Ռուսաստանի ու Թուրքիայի նկրտումների կրկնակի զսպման (double containment) քաղաքականության։ Բանաձևերի (#296 և # 150) ընդունումը՝ դրա վկայությունն է և ակնարկը։ Ըստ այդմ՝ ԱՄՆ թևակոխում է Միջին Արևելքում նոր դաշնակիցների կերտման քաղաքականության։ Այդ քաղաքականության մեջ հայերին և քրդերին վերապահված են տարբեր, բայց փոխլրացնող ու կարևորագույն դերեր»։