«Օրենքն ընդունողները բողոքում են օրենքի կատարման դեմ». Պետրոս Ղազարյան

Հաղորդավար, լրագրող Պետրոս Ղազարյանը ֆեյսբուքյան իր էջում գրել է. ««Հատուկ պետական պաշտպանության ենթակա անձանց անվտանգության ապահովման մասին» օրենքը փոխվել և լրացվել է 2018-ի մարտի 23-ին։ Նոր լրացումների շարքում «Վարչապետի պաշտոնավարման ժամանակահատվածում պետական պահպանություն տրամադրվում է նաև նրա հետ համատեղ բնակվող, ինչպես նաև նրան ուղեկցող ընտանիքի անդամներին» կետն է։ Ու էս օրենքն ընդունողները հիմա բողոքում են օրենքի կատարման դեմ։
Իսկ Փաշինյանը կարար չէ մի քանի բիզնես տար աղջկան, դարձներ միլիոնատեր։ Էգուց փեսա կա, նա էլ կդառնար միլիոնատեր։ Թե չէ մի հատ Նիսսան են առել՝ էրեխուն գործի ա տանում, մարդիկ նեռվայնանում են՝ բա տենց են երեխուն պահում»։