Ի պատասխան Հայաստանի կողմից ձեռք բերված կործանիչների՝ Բաքուն ցանկանում է Су-57-եր գնել. Ведомости

982

Երեքշաբթի, 24 դեկտեմբերի, 2019 թ., 13:05

Ադրբեջանը շահագրգռված է ձեռք բերել ռուսական հինգերորդ սերնդի Су-57 կործանիչները, գրում է «Ведомости»-ն:
Ըստ պարբերականի աղբյուրների՝ Ադրբեջանը հետաքրքրված է ռուսական կործանիչներով՝ Հայաստանի կողմից Су-30СМ կործանիչների ձեռքբերումից հետո:

Միևնույն ժամանակ, նշվում է, որ Բաքուն մի շարք պայմաններ է առաջադրել ՌԴ-ին, հետևաբար գործարքի շուրջ բանակցությունները կարող են շարունակվել բավականին երկար ժամանակ:
Ադրբեջանը կարող է նաև ձեռք բերել ոչ թե ռուսական արտադրության Су-57, այլ չինական և պակիստանյան արտադրության JF-17 կործանիչներ, որոնք մշակվել են Ռուսաստանի աջակցությամբ, և որոնց արժեքը շատ ավելի փոքր է, քան Су-57-ը։